An Comórtas Eolaí Óg BT

Comhghairdeas le Niamh, Aimee agus Orlaith as an dea-scéal a seoladh chucu inniu ag cur in iúl dóibh go bhfuil glactha lena n-iarratas ar áit sa chomórtas Eolaí Óg BT a thionólfar i Mí Eanáir.  Is í éadulaingt lachtóis ábhar a dtaighde.  Go n-éirí a gcuid oibre leo!

IMG_3837

Oíche Oscailte

Tionólfar oíche oscailte sa scoil Déardaoin an 22 Deireadh Fómhair, 2015 ag 7.00i.n.  Déanaigí iarracht áit pháirceála a  aimsiú taobh amuigh de shuíomh na scoile mar tá spásanna páirceála sách teoranta ar thailte na scoile.

Our open night will be held on Thursday 22nd October at 7.00pm. Please try to park off site as there are only a limited number of parking spaces on the school grounds.Pic na gCéimeanna

Gaelcholáiste an Phiarsaigh 4:6 Pobalscoil Éanna 2:4

I ndiaidh dóibh roinnt seachtainí a chaitheamh ag traenáil agus ag ullmhú ar Pháirc Naomh Éanna in éineacht leis an Múinteoir Pádraig agus an Múinteoir Cian thug foireann peile na mbuachaillí faoi chéad chluiche peile an choláiste agus ní hamháin gur bhuaigh siad ach bhí farasbarr d’ocht gcúilíní acu ar a gcéilithe comhraic, Pobalscoil Éanna, Baile an Bhlácaigh.  Ba é an scór ag deireadh an chluiche ná Gaelcholáiste an Phiarsagh 4:6 agus Pobalscoil Éanna: 2:4, bua cuimsitheach.

Ní fios arbh í an traenáil dhian, na geansaithe nua nó na stocaí nua a  chuidigh leo an lá a bheith leo ach ceaptar i ndáiríre go m’fhéidir gur chabhraigh gach rud leo.  Ba mhór an mhaith go raibh scoth na n-imreoirí ar an bpáirc ach thar aon cheo

Foireann bhuacach peile an Ghaelcholáiste

Foireann bhuacach peile an Ghaelcholáiste

eile ba é an spiorad dochloíte a léirigh gach imreoir an tréith ba mhó a sheas amach.  Throid na buachaillí ar son a chéile.  Ba iad na scoláirí a bhí sa lucht tacaíochta an séú fear déag.  Mo ghraidhin iad gach duine a raibh baint acu leis an mbua stairiúil seo.

An Painéal (Bainisteoirí An Múinteoir Pádraig agus an Múinteoir Cian)

Darragh Ó Néill ( 2 chúilín)

Luke Ó Floinn

Jack Mac Giolla Chomhaill

Séamus Ó Cualáin

Dónal Ó Duinnshléibhe (2 chúilín)

Micheál Ó Mainín

Brandon Ó Meachair

Cian Ó Murchú Mac Peircín

Oisín Wickham

Daniel Mac Uilín (cúilín)

Oscar Mag Uidhir

Rossa Nicoletti

Eoghan Ó Ceallaigh

Éamonn Máirtín Ó Deagha (3:2!!)

Oran Poullain

Adam Ó Comhraí

Micheál de Faoite (Gortaithe)

Marcus Ó hAonghusa (Gan a chosaint fiacla)

Díospóireachtaí Gael Linn

Comhghairdeas ó chroí le foireann díospóireachta an choláiste a rinne gaisce i gcaitheamh na seachtaine i gComórtas Díospóireachta Gael Linn. Chruthaíodar go hiontach le linn na díospóireachta agus iad ag plé an rúin “Is miotas í cairdiúlacht mhuintir na hÉireann!”.

Foireann DíospóireachtaBhí foireann an choláiste i gcoinne an rúin agus rinneadar a gcuid pointí a chur i láthair go snasta. Chuadar i gcion go mór ar na moltóirí agus an lucht éisteachta araon. Cuireadh Gaelcholáiste an Phiarsaigh ar aghaidh ag an gcéad bhabhta eile. Sa ghrianghraf thall tá baill na foirne (ó chlé go deas): Orlaith Ní Cheallaigh, Abby Ní Chaomhánaigh agus Oscar Mag Uidhir.

Treise libh!

Turas Foghlama Chun na Leabharlainne

Chuaigh an coláiste ar fad ar thuras go dtí Leabharlann Bhaile Ruáin i rith na seachtaine. photo 1Ba í aidhm an turais ná léitheoireacht neamhspleách a spreagadh, béim a leagan ar fhorbairt na litearthachta agus ballraíocht sna leabharlanna uile i nDún Laoghaire-Ráth an Dúin a chur chun cinn.

photo 3Thug leabharlannaí turas treoraithe timpeall na leabharlainne agus bhí deis ag na daltaí ar fad leabhar a phiocadh amach le léamh. Bhain na scoláirí tairbhe as an gcuairt a thugadar ar an leabharlann.

Níl aon amhras ach go bhfuil breis feasachta acu ar fad ar na seirbhísí atá ar fáil. Buíochas mór le Roinn an Bhéarla a d’eagraigh an ócáid.