Bhain pobal na scoile an-taitneamh as fáilte a chur roimh Oíche Shamhna le Lá na bhFeisteas eagraithe ag Comhairle na Scoláirí. Déanann Amy Nic Ailín ón dara bliain cur síos ar an lá thíos
Bhaineamar an-taitneamh as Oíche Shamhna ar scoil i mbliana. Bhí comórtas feistis againn idir na ranganna eagraithe ag Comhairle na Scoláirí chun airgead a bhailiú i gcomhair Gaza. Bhí feistis iontacha le feiceáil i measc na ranganna ar fad, bhí an comórtas an-ghar. Bhí sé an-spraíúil a bheith ag siúl timpeall na scoile an lá sin le gach duine gléasta suas- fiú na múinteoirí. Tharla an comórtas ag an tionól ar maidin agus chuaigh na buaiteoirí suas ar an stáitse. As na sóisearaigh bhuaigh mo rang, rang Átha Cliath i mbliain 2. As na sinsearaigh bhuaigh bliain a sé ar fad a ghléas suas le chéile mar ghrúpa. Bhain an dá rang taitneamh ollmhór as an duais- cóisir píotsa! Bhí spórt is spraoi ag gach uile duine agus tá scoláirí cheana féin ag pleanáil a bhfeisteas don bhliain seo chugainn!