Roinn na Tíreolaíochta

Díríonn an curaclam ar fhorbairt eolas agus scileanna an scoláire le go mbeidh sé in ann an domhan mórthimpeall orainn, agus an ról atá againn ann, a thuiscint agus na hidirnaisc idir córais ar leith a aithint. Baintear é sin amach trí na trí shnáithe idirnasctha: An domhan fisiceach a fhiosrú; An chaoi a ndéanaimid teagmháil leis an domhan fisiceach a fhiosrú; agus Daoine, áiteanna agus athruithe a fhiosrú, agus coincheap uileghabhálach amháin ar a dtugtar feasacht tíreolaíochta

An tSraith Shóisearach (Éigeantach)
Bl. 1-3

Déantar measúnú ar an Tíreolaíocht ag leibhéal Comónta amháin. Tá Trí chuid sa chúrsa – An domhan fisiceach a fhiosrú, Daoine, áiteanna agus athruithe a fhiosú agus An chaoi a ndéanaimid teagmháil leis an domhan fisiceach a fhiosrú.

Bíonn ar scoláirí dhá mheasúnú rangbhunaithe a dhéanamh, i mbliain 2 ‘Tíreolaíocht sa Nuacht’ agus i mbliain 3 ‘Mo Thíreolaíocht’. Chomh maith le seo bíonn scrúdú deiridh acu i bhfoirm scrúdú scríofa.

An Idirbhliain (Éigeantach)
Bl. 4

Feidhmíonn an clár Tíreolaíochta san Idirbhliain mar dhroichead idir an tSraith Shóisearach agus clár na hArdteistiméireachta.

Clár na hArdteistiméireachta (Roghnach)
Bl. 5-6

Féadfar Tíreolaíocht na hArdteistiméireachta a dhéanamh ag an nGnáthleibhéal nó ag an Ardleibhéal. Trí chuid atá sa chúrsa – croí-aonaid, Toghaonaid agus Roghaonaid Measúnaítear an tíreolaíocht ag an nGnáthleibhéal agus ag an Ardleibhéal.

Bíonn ar scoláirí tuarascáil a scríobh ar imscrúdú tíreolaíoch ar luach 20% agus scrúdú scríofa a dhéanamh ar luach 80%.